Android Phone Ka Boot Animation Change Kaise Kare

android ki boot animation kaise change kare


Hello friends, Is post me ham aapko batayenge ki android phone me aap boot animation kaise change kar sakte hai. Jab ham apne phone ko start karte hai to hamare saamne screen me jo animation aata hai use hi boot animation kehte hai. Jaise aapne samsung ke phone me dekha hoga samsung likha aata hai. Isi tarah se boot animation sabhi phones ka alag alag hota hai.



Kai phone ka boot animation bahut bura ya boring lagta hai. Yadi aapke saath bhi yahi problem hai aur aap ek good looking boot animation chahte hai to tension na le kyoki ham aapko is post me 2 methods batayenge jiski madad se aap aasani se apne phone ka boot animation change kar sakte hai.


World me sabse jyada mobile users android phone ka hi use karte hai. Android sabhi ki pasand hai. Android ek open source platform hai. Aap android phone ke saath bahut se customizations kar sakte hai aur apne phone ko bahut hi shaandar bana sakte hai.

Boot animation hamare phone ke rooted folder me save rehta hai jise dekhne ki edit karne ki permission hame nahi rehti hai lekin jaisa ki hamne bataya ki android ek open source platform hai to aap aisa kar sakte ho.

Boot Animation Kya Hota Hai ?


Jab ham apne phone ko switch on karte hai to hamare phone ki sabhi files load hoti hai aur services run hoti hai jise booting process kehte hai aur us douraan hamare phone ki screen me jo animation show hota hai use boot animation kehte hain.

Android Phone Ki Boot Animation Change Kaise Kare



Ham aapko yaha 2 methods batayenge. Aapko dono me se jo method acchi lage aap uska use kar sakte hai. Dono hi methods ke liye aapka phone rooted hona chahiye to sabse pehle hamari ye post read kare - android phone ko without pc root kaise kare.

1st Method - Es File Explorer


1. Sabse pehle google play store se es file explorer install kare aur open kare.

2. Iske baad upar left side di hui 3 lines wale menu option me click kare aur tools option choose kare.

3. Ab scroll karke root explorer option find kare aur use enable kare.

4. Iske baad menu se local option me jayen aur "/" me click kare.

5. System >> media me jaaye aur bootanimation.zip file find kare.



6. bootianimation.zip file ko rename kare, apne man ka koi bhi name rakh sakte hai.

7. Ab neeche di hui link se koi ek apne pasand ki file download kare aur uska name change karke bootanimation kare.


8. Ab ise usi folder par move kar de jaha orignal file thi.

9. successfully move ho jane ke baad apna phone reboot kare.

10. Done....! Reboot karne par aap dekhenge ki aapke phone ka boot aimation change ho chuka hai.



2nd Method - Boot Animation Application


1. Sabse pehle play store se boot animations application install kare aur open kare.

2. Aapko bahut se animations dikhenge. Inme se jo bhi accha lage usme click kare.

3. Preview option me click karke uska preview dekhe aur accha lage to + button me click karke use install kare.

4. Install hone ke baad aapke samne restart ka option dikhega usme click kare.

5. Aap dekhenge ki aapke phone ki boot animation change ho chuki hai.

Final Words:


Ye dono methods ki madad se aap aasani se apne phone ka boot animation change kar sakte hai aur apne phone ka look change kar sakte hai. Ye baat dhyan rakhe ki aapka phone rooted hona chahiye aur is poori process me yadi aapse root permission maange to use grant kare.

Friends aapko ye post kaisi lagi hame comment me bataye aur aapko is post se related koi problem ho to bhi comment me pooch sakte hai. Ye post apne friends ke sath share kare. Hamare blog ki new updates facebook me pane ke liye hamara facebook page like kare aur email me pane ke liye hamara blog subscribe kare.



Tags: Android phone ka animation change kaise kare, how to change boot animation screen on android in hindi, boot animation kya hota hai, what is boot animation in hindi.
Android Phone Ka Boot Animation Change Kaise Kare Android Phone Ka Boot Animation Change Kaise Kare Reviewed by Vivek Choudhary on 8:40:00 PM Rating: 5

3 comments:

  1. kya iske liye phone root hona jaruri hai..kyuki maine 2nd wala method use karke ki koshish ki but baar baar erroe A rahe h

    ReplyDelete
    Replies
    1. Yes, maine post me already bataya hai ki dono method ke liye phone rooted hona chahiye.

      Delete
  2. आपने बहुत बढिया जानकारी शेयर की हैं । मैं भी इसे जरुर ट्राई करुंगी ।

    ReplyDelete

Powered by Blogger.