Friday, September 9, 2016

Amazon, Flipkart, E-Commerce Sites Par Product Sell Karke Paise Kaise Kamaye

amazon, flipkart, snapdeal e commerce site me product beckar paise kaise kamaye

Friends kya aap logo ko pata hai ki aap amazon, flipkart, ebay etc. e - commerce sites ke saath business karke monthly lakho rupay kama sakte hai aur iske liye aapko in sites ko kisi bhi prakar ka charge nahi dena hoga.


Is post me ham aapko iske baare me detail se poori jankari denge ki ye sites kaise work karti hai, aap inse paise kaise kama sakte hai aur kitna kama sakte hai.

Flipkart, Snapdeal E - Commerce Sites Me Product Sell Karke Paise Kaise Kamaye


Sabse pehle ham aapke man me aa rahe kuch questions ko clear kar dena chahte hai, uske baad ham aapko batayenge ki inme apna product sell karne ke liye kya karna hoga.

E - Commerce Sites Kaise Work Karti Hai


Aapne kabhi kisi e - commerce site se online shopping kiya hoga to dekha hoga ki ye sites koi khud ke product sell nahi karti hai.
Example ke liye maan lo ki hamne flipkart.com se i-phone 6 order kiya to i-phone 6 flipkart ka to product hai nahi to fir ye samaan aata kaha se hai.
Hota ye hai ki bohot se sellers apne product ko bechne ke liye in sites par product list karwate hai aur jab wo product sell ho jata hai to kuch commision ye sites rakh leti hai aur baaki paisa sellers ko de diya jata hai jinka product rehta hai.

Offline vs. Online Business Me Fark



Offline business ki ek nischit seema rehti hai. Example ke liye aap cloths sell karte hai aur aapki shop hai to aapka business ek nischit doori & person tak seemit rahega.
Online business offline business ke theek opossit hai. Isme jaroori nahi hai ki aapki shop ho, aap ise ghar baithe hi handle kar sakta hai aur aapka product accha hai aur aap ke product ke competetive product se kam price ka hai to aap is se million rupees earn kar sakte hai. Isme aapka product 24 hours aapke customers kevsamne moujood rehta hai.
Aap apne product ko online business ke throw all world me promote kar sakte hai.


Kya E - Commerce Sites Me Apna Product List Karane Ke Paise Lagte Hai



In sites me apna product list karane ke liye aapko kisi bhi prakar charge nahi dena hoga. Aap apna product inme list karate hai to aapka product bikne ke baad ye sites us product ke price ka kuch commision leti hai. Commision har sites ka alag alag rehta hai aur product ke hisaab se bhi rehta hai. Ye commission 10% se 40% tak ho sakta hai.

Online Business Ke Liye Product Kaise Choose Kare


Yadi aap koi product sell nahi karte but apna naya business start karna chahte hai to sabse pehle aapko ye pata karna hoga ki present time me market me kis cheej ki maang jyada hai. Yadi aapne apna product choose kar liya hai to ab aapko us product ke wholeseller ko find karna hai aur usse wo product kam se kam keemat me buy karna hai.
Dhyan rahe ki product esa hona chahiye jo customers ko pasand aaye.

Apna Product E - Commerce Sites Par List Kaise Kare



Aapne product choose kar liya hai to ab aapko apna saman e - commerce sites me list karna hai. To chaliye step by step jante hai.

Requirements :--


Product list karne se pehle kuch requirements hai jo aapke paas hona jaroori hai.
1. TIN Number
2. PAN Card
Inke bina aap in sites me seller account nahi bana sakte.

Product Kaise List Kare


Jaise ki hame flipkart, snapdeal, amazon, ebay etc. sites se online product buy karne ke liye customer account banane ki suvidha hoti hai theek waise hi online product sell karne ke liye seller account banane ki suvidha hoti hai. Ham yaha par kuch top e - commerce site ki seller account ki link de rahe hai jaha se aap apna seller account bana sakte hai.
Inke alawa aur bhi bohot si sites hai but ham yaha par aapko top sites ki links diye hai. Yadi aapki najar me koi aur site hai to aap google me us site ke name ke aage seller account likhkar search kar sakte hai.
Isme registration ke liye aapko pesonal detail, address detail, contact detail, business detail, pan card detail, TIN number fill karna hota hai uske baad aap isme apna product list kar sakte hai.

E - Commerce Sites Par Selling Karke Kitne Paise Kamaye Ja Sakte Hai


Iski koi limit nahi hai. Aap online business se laakho rupees earn kar sakte hai. Bas iske liye aapke product me quality honi chahiye. Aise kai person hai jo is business se laakho karodo kama rahe hai.

Flipkart aur amazon me WS retail ka yearly turnover 10 thousand crore rupees tha.

Friends aap samajh gaye honge ki flipkart, amazon, ebay, snapdeal etc. e - commerce sites se kaise paise kamaye jate hai. Aapko ye jankari kaisi lagi hame comment me bataye aur ye post apne friends ke sath bhi share kare.

Article By

He is CEO and Founder of HindiHelpz.com. He writes on this blog about Tech, Facebook Tricks, Whatsapp Tricks, Mobile tricks, Free Recharge Tricks, SEO and Blogging. He do share on this blog regularly. If you want learn more about him then read About Us page

14 comments:

  1. dost mujhe ek baat samajh me nahi aaya jaise ki maine apna product list kiya nd usko kisi ne order kiya to mai product e commerce site ko kaise dunga...???

    kya online site wale mujhse contact karengey...??

    ReplyDelete
    Replies
    1. Jab aap kisi bhi e - commerce site par seller account banayenge to wo aapse khud contact karenge aur saari process samjhaenge.
      Isme rehta ye hai ki aapko site ki taraf se ek address milta hai. Aapko us address par speed post se apna product bhejna padta hai.

      Delete
  2. India ki jyada population youth hai aur aane wale salo me E-commerce business bahot teji se grow karega.

    ReplyDelete
    Replies
    1. You are right bro and thanx for your valuable comment.

      Delete
  3. Aap Apna koi Contact Number yaa whatsapp number de sakte hai yaa mera number 9122129083 apne whatsapp me add kijiye mujhe eske baare me full details jankari chahiye

    ReplyDelete
    Replies
    1. aap mujhse facebook me contact kar sakte hai. www.facebook.com/vivek.hindihelpz

      Delete

  4. Hi Vivek
    How much do you pay for this website. And who is hosting?
    May i know details? i also want to publish my own website.

    ReplyDelete
  5. And also you don't have any security in your website. why? your website isn't working on secure protocol HTTPS ???
    Kindly add SSL in your website to gain good results in google and add wordpress plugins which is SEO friendly .

    ReplyDelete
    Replies
    1. Ye blog blogger me hai isiliye maine sirf domain ke liye pay kiya hai. abhi study ki wajah se thoda serious nahi hu nahi to abhi bahut se kaam baaki hai is blog me.

      Delete
  6. Vivek bhai mujhe ek wbsite bnani hai domain maine book kar diya hai but kaise bnau mujhe bnani nhi aati kuch help karo bhai

    ReplyDelete
    Replies
    1. Aap mujhse fb me contact kijiye. www.fb.com/vivek.hindihelpz

      Delete
  7. Mere ko ek baat samaj me nahi aa rahi maan lo mene koi saman amazon per list kar diya or order aa gaya to mai kese dunga or amazon ka parsal kaha se aayega

    ReplyDelete
    Replies
    1. Aap amazon me seller account banayenge to aapko customare care se full info mil jayegi aur yadi kuch samajh me nahi aaya to aap customer care ko dobara call karke pooch sakte hai.

      Delete

Related Post

Hindi Helpz Facebook Page