Interview with uddeshya agrawal, founder of motu messenger

interview with uddeshya agrawal, CEO and Founder of motu messenger

Hello friends,
               is blog par interview series ki yah pehli post hai. is blog par mera pehla interview uddeshya agrawal ke sath hua. uddeshya agrawal motu messenger app ke CEO & Founder hai. motu messenger 25 Oct. 2015 se Google Play Store me uplabdh hai. is app ke bare me maine pichli post me bataya tha. yah app india me develop kiya gaya hai. uddeshya ne jab yah app banaya tha us samay we sirf 16 year ke the aur11th class me study karte the . inhone itni chhoti age me yah  app banaya tha. ye india ke gorakhpur se hai.
Maine inse bohot se questions kiye jinka jawab inhone badi hi aasani se diya. yah post thodi lambi hai. is post se aapko bahut si nayi cheeze sekhne ko milengi. isliye ye post dhyan se padhe.



 Interview with uddeshya agrawal, CEO & Founder of motu messenger


Vivek Choudhary :

 Hello uddeshya, Hindihelpz.com me aapka swagat hai.


Uddeshya Agrawal :
 thanx vivek aapne mujhe is blog par interview ke invite kiya.

Q.1 Aap apne baare me aur apne app ke bare me kuch bataye ?


Ans. Mera naam Uddeshya Agrawal hai. mai india ke Gorakhpur se hu. mujhe bachpan se hi internet se nayi nayi cheeze seekhne me interest raha hai.
Aur motu messenger ke bare me aapne apni pichli post:"Whatsapp se kai guna jyada features wala india ka motu messenger" me lagbhag sab bata diye hai.



Q.2 Aapko ye app create karne ki prerna kab aur kaise mili ?


Ans. Jaisa ki mene aapko bataya ki mujhe inernet par kuch naya seekne me bachpan se interest raha hai aur android app development me bhi shuru se interest hai. ek din aise hi meri nazar open source app development par padi to fir maine usko use krke telegram ke server par host krte hue ye app create kiya.
Sabse bada inspiration isme india ke P.M. Narendra Modi ji ki digital india aur make in India yojna ka hai. Isilie ye app puri tarah se free aur advertisement rahit hai.

uddeshya agrawal with her family


Q.3 Aap aage chalkar india ke liye aur kon kon se app banana chahenge aur aapka lakshya kya hai?


Ans. Abhi meri mulaqat smiriti irani ji ( Minister of Human Resource Development in The Govt. Of india) se hui thi. mai naari sashaktikaran pe ek app banaya hu jo upasthit 1090 ki site se kaafi jyada adhunik hai.Par sahi platform na milne ki wajah se mai use launch nahi kar paya. smriti irani ji ko maine ek letter gyapan ke taur pe bhi diya.unke jawab ka intezar hai.
Aur abhi mai artificial intelligence par work kar raha hu.Jo ki bilkul new cheez hai abhi.

Artificial intelligence ke tahat mai bots pe work kar raha hu. aaj ke daur me insan ki busy life hone ki wajah se har kaam ko handle karna muskil hai. isme ye bots aapke pure kaam karenge. maan lijiye aapko apne kamre ki lights control karna hai jo keval aap apne phone se bolke kar sakte to kitna behtar rahega. Iska blueprint aur walkthrough pura ready kar liya hu.par chhote sheher se hone ki wajah se mjhe sahi disha nahi mil pa rhi
Facebook par bhi mere chatbots hai. wo bot ek aisa google hai jisse aap Facebook pe messeg karke kuch bhi jaan sakte hai. yaha tak ki aapke sheher ka kya tapman hai aur us tapmaan k hisaab se aapko kya pehen na chahiye. Middle class ka hone ki wajah se itna time aur paise manage krna thoda muskil ho jata hai. isiliye govt. se thode funding ki aasha hai
Aur rahi baat motu ki..to motu ko bahut se features hai jo motu ko bahut hi adhunik banate hai.

interview with uddeshya agrawal, CEO and Founder of motu messenger


Q.4 Aap govt. se kya chahte hai aur yadi aapki maang poori hui to aap kya-kya kar sakte hai?


Ans. Mai chahta hu government mujhe ek sahi platform de sake. Aur jaisa ki make in india aur start-up india plan jaari hua PM Modi ji ka uske tahat government funding krti hai.usi tarah se funding chahta hu jisse mai ye development jari krta rahu.
Agar sarkar meri madad krde to mai kai cheezo se apne desh wasiyo ke liye kuch had tak labhdayak cheezen kar sakta hu.

Q.5 Kya aapko govt. ki taraf se abhi tak liye kuch sahayta mili hai?


Ans. Yaha ke DM sir ne sammanit kiya tha aur SSP sir ne aashwasan diya tha par unke taraf se kuch sahayata nahi mili.
Women security wale app ko launch krne ke liye filhal me smirti irani ji se milkar letter dia gaya hai. unke jawab ka intezar hai.

Also Read :
               ० Messenger me basketball kaise khelte hai.
               ० Messenger me soccer kaise khelte hai.     

Q.6 kya aap Motu Messenger se earning kar rahe hai?


Ans. Bilkul nahi, Motu messenger ke through earning tab mumkin thi jab mai uspe advertise lagata. par vigyapan ki wajah se users ko dikkat hoti hai. isiliye maine vigayapan hata diya. ab motu bilkul free aur vigyapan rahit hai.

Q.7 Aapko kon kon si rukawate aur pareshaniya aayi is project ko lekar?


Ans. Padhai ke sath sath isko manage karna kaafi muskil tha.

Jab development phase me tha tab sabhi family members gussa karte the ki kya din bhar laptop me lage rehte ho.
Isko banane me jo kharch aaya wo kuch maine uthaya aur kuch friends ne madad kiya.

Q.8 Is project me aapka support kis - kis ne kiya?


Ans. Isme meri mummy and papa ne mera bahut mental support kia aur mere friends ne bhi mera kaafi support kiya hai.

Vivek Choudhary:

Aap Hindi Helpz ke readers ko kya advice dena chahenge.


Uddeshya Agrawal:

Bas soch badi rakhen aur us cheez ko pane ke lie focus krte rahe jo aapne socha hai.
bahot pareshaniyan aati rahengi, log neecha dikhate rahenge, par sabse ehem cheez- mind apke haath me hai, Usko focus kare apne aim ki taraf aur age badhte rahe.
Raste kabhi band nai hote insan aksar himmat haar jata hai....

Vivek choudhary: 

Hamare blog ke liye apna keemti samay dene ke liye aapko bahut bahut dhanyawad.
aapne jo socha hai wo ek din jaroor poora hoga. God bless you...

Uddeshya Agrawal:

Thanx vivek, Aap logo ki wishes rahegi to jaroor safalta milegi. Aapne mujhe apne blog me interview ke liye invite ke liya uske bahut bahut dhanyawad. Aapke blog ko bhi safalta jaroor milegi.

Last Words:

Friends aap meri pichli post jaroor read kare mene usme motu messenger ke features bataye hai jo whatsapp se kai guna better hai. is app ko jaroor chalaye bahut hi accha app hai. Uddeshya middle class family se hai is wajah unhe sahi platform na mil pa raha hai is kaaran unhe kuch rukawate aa rahi hai.

Friends aapko ye post kaisi lagi hame comment me bataye. Hamara fb page like kare aur ye post apne friends ke sath bhi share kare.
Interview with uddeshya agrawal, founder of motu messenger Interview with uddeshya agrawal, founder of motu messenger Reviewed by Vivek Choudhary on 8:03:00 PM Rating: 5

8 comments:

  1. Awesome one bro uddeshya ..indeed inspiring.. Keep it up

    ReplyDelete
  2. Uddeshya AgrawalJuly 4, 2016 at 7:28 PM

    Thankyou

    ReplyDelete
  3. bahut achha article thanks good interview

    ReplyDelete
  4. Vivek bhai bahut sahi ja rhe ho... m tumhare saath hu jo b help chahiye mujhse bolna.. aur yadi koi app bnane ka soch rhe ho to ek baar inform zarroor krna.. mjhe b intrest h but aaj tk aisa koi nhi mila jiske saath m ye try kr saku but aaj tum mil gye ho...
    My num 9111810655
    Please ek app bnane ka try kro dono milkr bnate h... jo b khrch hoga dono krenge....
    -Mehul Daheria

    ReplyDelete
    Replies
    1. Thanx mehul aapki comment ke liye but mere paas pc nahi hai me sab mobile se hi maintain karta hu

      Delete

Powered by Blogger.