Debit card kya hai, debit card ka use online transaction ke liye kaise karte hai- Full guide


Bohot se log isi confusion me rehte hai ki debit card kya hai? Atm card ko hi debit card kaha jata hai. aap ye to jante hi hai Atm/debit card ka use Atm machine se paise nikalne ke liye kaise kiya jata hai. Lekin ham is post me janenge ki Debit card ka use online transaction karne ke liye kaise karte hai. debit card kaise banwate hai, iska use kaha-kaha karte hai, aur is ke kya-kya fayde hai.
Iske pehle ham jaan lete hai ki debit card ka use ham kaha-kaha kar sakte hai.



what is debit card and how to use it


Debit card ka use kisliye kiya jata hai


Jaisa ki mene aapko bataya Debit card ka use online transaction ke liye kiya jata hai.

1. Online shoping ke liye kare Debit card ka use

Aap sabhi khud jante hai aur dekh rahe honge ki online shoping ka craze kitna badh gaya hai. Online shoping ke liye adhiktar Amazon, flipkart, snapdeal, Homeshop18 jesi site ka use kiya jata hai.
In site se yadi ham koi samaan buy karte hai to kuch samaan me hame Cash on delivery ka option milta hai. Kuch samaan buy karne ke liye Cash on delivery ka option nahi milta to ese me hame online banking ka use karna padta hai jiske liye aap debit card ka use kar sakte hai.

2. Online recharge aur bill payment ke liye

Yadi aapko apne mobile, Dth me recharge karana ho ya postpaid sim ka bill paid karna ho to aap debit card ke use se ye kaam ghar bethe kar sakte hai.online recharge ke liye aap Paytm, mobikwik aur freecharge jaisi website aur application ka use kar sakte hai.

3. Apni website/blog ke liye kare debit card ka use

Yadi aapki website/blog hai to aapko apni website ke liye Domain, hosting aur other cheez buy karne ke liye debit card ka use kar sakte hai.


4. Other work ke liye

Aap yadi apni study ke liye ya job ke liye kisi bhi prakar ka form submit karte hai to aapko uske liye ek nischit payment karna hota hai jiske liye aap debit card ka use kar sakte hai.

Aap sabhi itna to jaan gaye honge ki debit card ka use aap kaha aur kis work ke liye kar sakte hai.
 Ab ham janenge debit card ka upyog kaise kiya jata hai.

Debit card ka use kaise karte hai online transaction ke liye


Aap jab bhi kisi bhi cheez ke liye payment karte hai to usme payment karne ke liye kuch option diye hote hai.
Example- credit card, debit card, net banking, mobile banking, paypal etc.
In options me se aapko debit card select karna hai uske baad ki process me aapko detail se samjhane ke liye point to point bata raha hu.
Me yaha par paytm ka example de raha hu jisme mene recharge ke liye debit card ka use kiya hai.


debit card kaise banwate hai



1. Card no. me aapko apne debit card ka 16 digit ka number dalna hai jo ki aapke debit card ke front me hi likha hoga. (Image me dekhe)

2. month and year me aapko apne debit card ka expiry month and year likhna hai jo aapke debit card ke front me card no. ke neeche likha hoga. (Image me dekhe)

3. Yaha par CVV code likhna hai. CVV ka matlab hota card verification value hota hai jo ki debit card ke back me likha hota hai. (image me dekhe)
Pay now me click kare

4. Ab ek new page khulega jo ki aapke bank ka page hoga. Isme aapko OTP (one time password) dalna hai. OTP aapke mobile number me aayega jo aapke bankaccount me registered hai.

Debit card kaise banwate hai


Debit card banwana bohot hi aasan hai. Iske liye aap apne najdeeki kisi bhi bank me account banwaye. account 2-3 din me ban jata hai uske baad aap bank jakar atm ka form fill kar ke submit kare.

NOTE- Form me apna mobile number jaroor likhe aur bank account khulwate samay bhi mobile number submit karna na bhoole, kyoki OTP aapke registered mobile number me hi aayega aur bina OTP ke aap transaction nahi kar sakte hai.

atm card ka form submit karne ke 5-10 din ke andar aapko Debit card bank ya postman ke madhyam se mil jayega.

Debit card ke fayde


1. online transaction ke liye sabse accha madhyam hai.

2. aap yadi 18 saal se kam ke bhi hai to bhi Debit card banwa sakte hai. Jabki net banking, mobile banking ya paypal ke liye 18 ka hona jaroori hai.

3. isme id, password bagerah yaad rakhne ki jhanjhat nahi rehti hai. Debit card ke use ke liye card no., card ki expiry date, cvv lagta hai  aur ye sab card me hi likha hota hai aur OTP hamare mo. nu. me message ke dwara aa jata hai. jabki net banking, mobile banking ke liye id password yaad rakhna hota hai.

4. Debit card ka use kahi bhi kabhi bhi kiya ja sakta hai.

Friends ummid hai ye jankari aapke liye helpfull sabit hogi. aisi hi jankari email dwara ya fb me pane ke liye hamara fb page like kare aur subscribe kare.


Debit card kya hai, debit card ka use online transaction ke liye kaise karte hai- Full guide Debit card kya hai, debit card ka use online transaction ke liye kaise karte hai- Full guide Reviewed by Vivek Choudhary on 9:40:00 AM Rating: 5

No comments:

Powered by Blogger.